Barqi Azmi – ghazal on Meena Kumari’s zameen

BarqiUrdy Shayari ke Tarhi Mushaire Ba Unwan “Ek Sham Meena Kumari Ke Naam” ba tareekh 15 June 2013 ke liye meri kavish
Ahmad Ali Barqi Azmi

Bin tumhare hai yeh jahaaN tanha
“Jism tanha hai aur jaaN tanha”

Aa ke is ko karo ge kab aabaad
Dil ka mere hai yeh makaaN tanha

muntazir haiN yeh jaaN ba lab aankheiN
Rahoon kab tak maiN neem jaaN tanha

Aisa lagta hai mujh ko charon taraf
Chand tanha hai kahkashaaN tanha

Teera o taar zindagi hai meri
Har taraf hai dhu’an dhu’aM tanha

Jab se roothi hai mujh se jaan e bahar
Gulshan e dil meiN hai khizaan tanha

Koii bhi ham nawa nahiN mera
rahooN kab tak main be zabaaN tanha

Kuchh batate nahiN ho kyoN aakhir
Kya rahooN yunhi nauha khwaN tanha

Mera maskan jahaaN bhi ho Barqi
MaiN yahaaN bhi hoon aur wahaaN tanha

Tagged as:

Leave a Reply

Your email address will not be published. Required fields are marked *